Bendill-I samanstendur af 57 athöfnum tengdum störfum og 57 námsgreinum úr framhaldsskólanum. Nemendur svara hversu vel eða illa þeim líka athafnirnar og námsgreinarnar. Niðurstöður eru skipulagðar samkvæmt kenningu Hollands og fær hver nemandi upplýsingar um áhuga sinn á sex áhugasviðum sem sett voru fram af Holland (handverks- vísinda, lista- félags- athafna- og skipulagssvið eða HVLFAS) um leið og hann eða hún hafa lokið við að svara könnuninni. Einnig birtast upplýsingar um hvaða námsbrautir sem í boði eru í framhaldsskólunum flokkast undir hvert áhugasviðanna sex (sjá dæmi um niðurstöðublað). Það tekur nemendur aðeins um 10-12 mínútur að svara könnuninni.