Velkomin á vef Bendils

Bendill er mats- og upplýsingakerfi sem hannað er til að aðstoða þá sem taka þurfa ákvarðanir um nám eða starfsvettvang. Í ráðgjöf um náms- og starfsval er lögð áhersla að fólk velji nám og síðar starf, sem hæfir áhuga þeirra. Þetta er mikilvægt og ýtir undir ánægju í starfi og að hverjum og einum vegni vel á vinnumarkaði. Bendil má nota annarsvegar til að meta starfsáhuga og hinsvegar til að afla upplýsinga um nám og störf.

Áhugakönnunin Bendill er í stöðugri þróun en nú geta náms- og starfsráðgjafar fengið aðgang fyrir sína ráðþega að Bendli-I sem er rafræn áhugakönnunn sniðin að þörfum nemenda í 10. bekk og Bendli-II sem metur áhugasvið ungs fólks á framhaldsskólaaldri. Til að tryggja að áhugakönnunin sé notuð á þann hátt að hún gagnist sem best við val á námi og störfum geta aðeins menntaðir náms- og starfsráðgjafar sem hafa sótt námskeið í notkun Bendils lagt könnunina fyrir.

Upplýsingaveita þar sem hægt er að finna starfslýsingar (um 300) og allar námsgreinar í boði á háskólstiginu flokkaðar eftir sex áhugasviðum Hollands: Handverks, Vísinda, Lista, Félags, Athafna og Skipulags ( HVLFAS) er öllum opin og aðgengileg.

Nýjungar í Bendli

• Opnuð hefur verið ný upplýsingaveita um nám á háskólastigi. Þar er hægt að afla upplýsinga um allar háskólagreinar í boði hérlendis og undir hvaða áhugasvið þær falla. (1.5.2010)
• Uppfærslu lokið. Nú eru niðurstöðurnar í Bendli settar fram á aðgengilegri hátt en áður. Það þýðir að lang flestir munu getað skoðað þær án þess að setja upp aukabúnað til að skoða þær.
• Könnunin er byggð á íslenskum atriðum sem endurspegla vinnumarkað og námsframboð sem ungt fólk hérlendis stendur frammi fyrir.
• Könnunin tekur mið af því vali sem grunn- og framhaldsskólanemar standa frammi fyrir á mörkum skólastiga
• Hægt er að leggja könnunina fyrir á netinu og fá niðurstöður í hendur strax að lokinni fyrirlögn.
• Túlkunarrammi byggir á kenningu Hollands að hluta og niðurstöður eru settar fram á myndrænan hátt.
• Í Bendli-II er starfsáhugi brotinn niður í 28 undirsvið sem endurspegla íslenskt atvinnulíf.
• Starfsáhuga er auðvelt að tengja því námi sem er í boði eftir 10. bekk og íslenskum starfslýsingum sem hafa verið flokkaðar eftir HVLFAS áhugasviðunum og eru aðgengilegar í rafrænu upplýsingaveitunni